GREY KOLLEGE SEKONDÊR
PARALLELMEDIUMSKOOL VIR SEUNS

GREY COLLEGE SECONDARY
PARALLEL MEDIUM SCHOOL FOR BOYS

Menu

Drama

Die grootste doelwit van Grey Kollege se Drama Akademie is om ‘n wye spektrum van toneelkuns in beide Afrikaans en Engels aan die betrokke leerders oor te dra. Hierdie jaar het wel met baie uitdagings gekom aangesien alle normale aktiwiteite weens die Covid-19-pandemie gestaak is voor die leerders daaraan kon deelneem.

Die Akademie is ook daar om elke leerder se potensiaal te ontwikkel. Daarom het ons daadwerklik gaan soek na geleenthede vir ons seuns gedurende 2020. Ons is dankbaar dat ander aandeelhouers geleenthede geskep het vir ons seuns om wel aanlyn deel te neem. Neem in ag dat die seuns se beste werk vergelyk kan word met enige ander top drama-instituut in die land en dit is net weereens ‘n bewys dat Grey-leerders prestasies van top-gehalte lewer.

GEBEURE EN PRESTASIES | EVENTS & ACHIEVEMENTS

Alhoewel daar hierdie jaar geen Tienertoneel-verhoogproduksies kon plaasvind nie, het die ATKV ‘n aanlyn monoloog kompetisie geloods. Leerders kon hulle eie monoloog skryf, of iemand kry om dit te skryf, en dit dan voordra en tuis opneem. Hulle kon ook net ‘n geskrewe monoloog inhandig. Daar was 223 inskrywings landwyd wat top skole ingesluit het. Ons is baie trots op die twee Grey-leerders wat die landwye top 20 in die semi-finaal gehaal het. Hulle kry die geleentheid om die notas van bekendes in die bedryf te bestudeer en die monoloog aan te pas vir die top 10 wat dan na die finaal toe gaan. Die volgende seuns het uitstekend presteer:

Eckard van Heerden: Top 20 (Goud): teks self geskrewe; spel; stel; kostuum; tegniese versorging.

Tristen Bruyns: Top 20 (Goud): spel; teks deur Ilne Fourie (Cum Laude).

Johan du Plessis: Goud: spel; stel; kostuum; teks deur Ilne Fourie (Goud).

Viaan van Coller: Brons: spel; teks deur Ilne Fourie (Goud).

Christi Myburgh: Brons: spel; teks self geskrewe.

JJ Kleynhans: Brons: teks self geskrewe.

Die ATKV loods ook vir die eerste keer ‘n kompetisie vir kuns en poësie (Digikuns). Deelnemers moes ‘n gedig gebruik en een van die Kunsafdelings kies om ‘n uitbeelding te skep wat hulle eie interpretasie van die gedig sal wys. Ons is trots op die Grey-seuns wat hieraan deelgeneem en hulle eie kreatiwiteit aan die dag gelê het sonder enige afrigting of hulp. Stefan Verhoef se werk sal as wenner van sy afdeling in die Taalgenoot gepubliseer word en deel vorm van die ATKV-digitale kunsuitstalling. Die inisiatief wat die ATKV geneem het met hulle aanlyn Digi-kompetisies het die seuns ‘n geleentheid gebied om hulle talente ten toon te stel. Die volgende prestasies is behaal:

Stefan Verhoef: Fotografie (13-18 jaar): Kategorie en Kykerskeuse wenner.

Kgalalelo Mogorosi: Teken (13-18 jaar) B+ (75-79%).

Mev. Brenda Myburgh: Digitaal Volwassenes: Kategorie Naaswenner en Kykerskeuse wenner.

Groot FM het vir die eerste keer ‘n “Jou Groot Talent”-kompetisie geloods waaraan enige iemand in die land kon deelneem. Daar was verskeie afdelings om van te kies. Soos altyd het die Grey-seuns ons trots gemaak met hulle kwaliteit inskrywings. Nie net het hulle ons skool se naam hoog gehou nie, maar vermelding is van Neo Humampe en Christi Myburgh op “Die Groot Ontbyt”-program gemaak as deelnemers wat ‘n indruk op die beoordelaars gemaak het. Beide seuns was in die algehele derde plek in die land in hulle onderskeie afdelings. Ons is dankbaar vir instansies soos Groot FM wat dit hierdie jaar met al die Covid-19-uitdagings moontlik gemaak het vir leerders om deel te neem aan iets waaroor hulle passievol is. Die volgende prestasies is behaal:

Neo Humampe: Sang (A++)

Christi Myburgh: Lees Poësie (A++); Sang (A+)

Thinus Beneke: Instrumentaal (A+)

Logan Landman: Sang (A+)

Johan du Plessis: Prosa (A+)

Eckard van Heerden: Sang (A)

Viaan van Coller: Lees Poësie (A)

Wian Serfontein: Poësie (A)

Lean Fourie: Instrumentaal (A); Sang (B+)

B. Myburgh

For more information, please contact me
Scroll Up
X