GREY KOLLEGE SEKONDÊR
PARALLELMEDIUMSKOOL VIR SEUNS

GREY COLLEGE SECONDARY
PARALLEL MEDIUM SCHOOL FOR BOYS

Menu

Skaak | Chess

Inligting | Information

Skaakmat!’ is wat opponente telkemale vanjaar moes aanhoor. 2018 was weer vir Grey Kollege ‘n baie goeie jaar. Elke jaar gaan ons skaak van krag tot krag en ‘n groot groep entoesiastiese gr. 8-spelers het weer vanjaar aangesluit.

– Liga 2de en 3de
– Oefentye: Donderdae 14:00 – 16:00

Gebeure | Events

– 22,23 TIBB Grey Skaaktoernooi
– Intersole

Uitslae | Results

Die Grey-toernooi van 2018 was baie suksesvol en meer as 65 spanne van 25 skole landwyd het deelgeneem. In die A-afdeling het Grey Kollege die 17de en 21ste posisies uit 32 spanne behaal, en in die B-afdeling behaal die skool posisie 21 en 22 uit 34.

In die plaaslike Bloemfontein Hoërskoolliga het die skool goed gevaar deur die o/19B- en o/17B-ligas te wen. Die o/19A- en o/17A-span het beide tweede plekke behaal, en die o/15B- en o/15A-span derde plekke, asook ‘n hele paar bordpryse gewen.

Grey Kollege was ook die wenners in 3 van die 7 interskole kragmetings.
Agt spelers ontvang provinsiale kleure en gaan in Desember aan die SAJCC, Suid-Afrika Junior Skaakkampioenskap, deelneem.

Geluk aan C. Daniels wat gekwalifiseer het vir die o/16- A Lejweleputswa-skaakspan.

L. Seromo, T. Cata, C. Jongbloed, R. Seekoei en K. Venter is in die o/16A Mangaung-skaakspan ingesluit en E. Büchner in die o/18A Mangaung-skaakspan. M. Winnaar is vir die o/20A Mangaung-skaakspan gekies.

Scroll Up
X