GREY KOLLEGE SEKONDÊR
PARALLELMEDIUMSKOOL VIR SEUNS

GREY COLLEGE SECONDARY
PARALLEL MEDIUM SCHOOL FOR BOYS

Menu

Skaak | Chess

Inligting | Information

Die jaar 2020 het met die Grey Toernooi begin maar Covid-19 het kort hierna die skaakjaar tot stilstand gebring. Ten spyte van vele uitdagings was die eerste paar maande ‘n goeie skaakjaar vir Grey Kollege. Die skool is dankbaar dat entoesiastiese spelers by ons aangesluit het, wat ‘n mooi toekoms vir Grey Kollege se skaak sal verseker.

Graag bedank die skool mnre. Gilbert Gibson en Pule Mangonyane vir hul waardevolle mentorskap, raad en bystand.

Oefentye: Donderdae 15:00 – 16:30

Gebeure | Events

Uitslae | Results

Die Grey Toernooi van 2020 was ʼn baie suksesvolle toernooi waaraan meer as 58 spanne van 27 skole landwyd deelgeneem het. In die A-afdeling het die Grey-spanne die 5de, 12de en 23ste plekke behaal, en in die B-afdeling het die Grey-spanne die 18de, 29ste en 32ste plekke uit 36 spanne behaal.

In die plaaslike Bloemfontein Hoërskole-liga het die skool goed gevaar: die o/19A-span het die liga gewen, en die o/17A-span het vyfde geëindig. Die volgende spelers het bordpryse gewen: Reatile Seekoei (o/19A), Leabua Seromo (o/19A), Adriaan Bosch (o/19A), Eli Louw (o/17A) en Matthew Swarts (o/17A). Grey Kollege se juniorspan het deelgeneem aan die Fichardtpark Sportdag, wat ‘n goeie leerproses vir ons jong span was. Die junior A-span het ‘n 7de plek behaal en die junior B-span het 4de geëindig.

Grey Kollege was bevoorreg dat vier van ons spelers aan die Mangaung Metro Skaak (Afdeling A) in Februarie deelgeneem het: geluk aan Eduard Büchner (10de plek), Leabua Seromo (12de plek), Toni Cata (14de plek) en Reatile Seekoei (17de plek) wat uitstekend presteer het. 

Scroll Up
X